ក្មេងប្រុស២នាក់អាយុ២ឆ្នាំលង់ទឹកស្រះស្លាប់នៅស្រុកសាមគ្គីមានជ័យ

 

កំពង់ឆ្នាំង ៖ ក្មេងប្រុស២នាក់ ត្រូវជាបងប្អូនជីដូនមួយនិងគ្នា បានលង់ទឹកស្រះស្លាប់ទាំងពីរនាក់បន្ទាប់ពី ម្តាយនិងឪពុកបានយកក្មេងប្រុសទាំង២នាក់នេះផ្ញើអោយនៅជាមួយនិងជីតា ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង២រសៀលថ្ងៃទី៣០ ខែមិថុនា ឆ្នាំ២០២០ នៅភូមិត្រដក់ពង ឃុំខ្នាឆ្មា ស្រុកសាមគ្គីមានជ័យ ខេត្តកំពង់ឆ្នាំង ។

សមត្ថកិច្ចកបានអោយដឹងថា ជនរងគ្រោះម្នាក់ឈ្មោះរស់ សំណាង ភេទប្រុសអាយុ ២ឆ្នាំ និង ម្នាក់ទៀតឈ្មោះ រស់ សុជាតិ ភេទប្រុសអាយុ ២ឆ្នាំ រស់នៅក្នុងភូមិឃុំកើតហេតុ ខាងលើ ។

សមត្ថកិច្ចបានអោយដឹងថា នៅមុនពេលកើតហេតុ ឪពុកម្តាយរបស់ក្មេងប្រុសរងគ្រោះ បានយក កូន និង ក្មួយទៅផ្ញើនិងជីតារបស់ក្មេងរងគ្រោះនៅផ្ទះ ក្រោយពីម្តាយ និង ឪពុកចេញពីផ្ទះបាត់ ក្មេងទាំងពីរនាក់បានដើរលេងនៅនឹងផ្ទះធម្មតា ហើយជីតាបានធ្វើកិច្ចការផ្ទះភ្លេចខ្លួន ក៏បាត់ក្មេងទាំងពីរនាក់ឈឹង ហើយបានស្រែកហៅក៏មិនឆ្លើយ រួចបានដើររកនិងហៅគ្នីគ្នាមកជួយរកក៏ប្រទះសពក្មេងប្រុសទាំងពីរនាក់នៅក្នុងស្រះទឹកតែម្តង ។ ក្រោយពេលឃើញ ក៏បានរាយការណ៍ទៅប៉ុស្តិ៍រដ្ឋបាលផងដែរ  សមត្ថកិច្ចបានសន្និដ្ឋានជនគ្រោះពិតជាបានស្លាប់ដោយសារលង់ទឹកពិតប្រាកដមែន និងប្រគល់សពក្មេងរងគ្រោះទាំង២នាក់ជូនដល់ក្រុមគ្រួសារដើម្បីយកទៅធ្វើបុណ្យតាមប្រពៃណី ។

ក្មេងប្រុស២នាក់អាយុ២ឆ្នាំលង់ទឹកស្រះស្លាប់នៅស្រុកសាមគ្គីមានជ័យ